Një tjetër aksident është regjistruar sot në Maliq, ku një makinë ka përplasur një këmbësor.
Këmbësori është banor i qytetit të Maliqit, i cili ka qenë duke kaluar nga një krah i rrugës në tjetrin.
Përplasja ka qenë e fortë ndërsa i plagosuri ka përfunduar më tepër se 15 metra larg rrugës në asfalt.
Sipas burimeve në vendngjarje bëhet me dije se ambulanca ka vajtur me vonesë duke rënduar edhe gjendjen e të plagosurit. Ai po transportohet në spitalin e Korçës, ndërsa ka marrë dëmtime të rënda në kokë dhe trup.
