Vllaznia luajti miqësoren e dytë në fazën përgatitore në Bosnje përballë vendasve të HSK Posusje.
Shkodranët, pas fitores bindëse në testin e parë, u ndalën në barazim 1-1 në miqësoren e dytë.
Trajneri Memelli e nisi ndeshjen me formacionin e njëjtë si në testin e parë me modulin 3-4-3: Qarri; Stojanovic, Juric, Cheshmedjiev; Smajli, Alivoda, Boshnjaku, Hakaj; Çoba, Balaj, Mala.
Sfida nisi me raste për të dy ekipet teksa në pjesën e parë goditën nga një herë shtyllat, por pa gjetur rrjetën. Ishte sulmuesi Bekim Balaj, i cili në minutën e 36’ “shembi” traversën nga goditja e dënimit.
Pjesa e dytë nisi mirë për kundërshtarët të cilët gjetn rrugën e rrjetës në minutën e 54’. Megjithatë, reagimi i kuqebluve do të vinte në minutën e 72’ ku djemtë e Memellit do të fitonin një 11-metërsh që do të kthehej në gol nga mbrojtësi Cheshmedjiev.
