Ish-kandidati për Bashkinë e Kuçovës, Lefter Maliqi e ka cilësuar si një rast unikal atë që ka ndodhur me Komisionet e zgjedhjeve, në lidhje procesin e votimit dhe të numërimit për votat e 14 majit.
Maliqi në emsionin “Me Xhaxhiun”, është shprehur se vendimi i Kolegjit Zgjedhor ka qenë i pritshëm, ku kërkesa për disponimin e provave ka ardhur pas dëgjesës me avokatët e tij. Ai deklaroi më tej se i beson deri në 80% Kolegjit, sepse ndryshe nga KAS ka kërkuar paraqitjen e provave.
Maliqi: E prisja vendimin e Kolegjit Zgjedhor, sepse Kuçova ka qenë i vetmi rast unikal, ku janë bërë 5 seanca në KAS, ku e pesta në Kolegjin Zgjedhor bëhet në prani të mediave, një betejë e fortë ligjore për të zbardhur provat. Në KAS para se të jepej vendimi e pata një nuhatje dhe thashë jepeni shpejt vendimin politik. Flisnim që çdo gjë është e kapur dhe nuk kishim besim te Kolegji.
Pasi na dëgjuan së bashku me avokatët e mi, Kolegji urdhëroi KQZ dhe KAS që të vihen në dispozicion të gjitha provat filmike dhe QV, si dhe dënimi penal i kryetarit aktual në detyrë, z.Hajdari. Vazhduan disa seanca në KAS, ata panë vetëm pak prova filmike dhe e ndërprenë. Thirrën dëshmitar kryetarin e KZAZ të Kuçovës, me të cilin bënë batuta. 18 kuti nuk dukeshin, aty ku themi ne që ndodhi vendi krimit. Përveç të gjithë akuzave dhe ndërhyrjes, takimet e fshehta, përdorimi i bandave, ish-drejtuesve të policisë, duke bërë presion, më çuan në bindjen, se pavarësisht që kishim shtetin kundra, përsëri kam fituar, jo unë, por socialistët dhe demokratët e Kuçovës. Në orën 11:00 u dorëzuan të gjitha kutitë, në 11:20n mbyllet dera dhe vjen anëtarja e KZAZ të më lajmërojë. Nuk ka ndodhur në Shqipëri, Ballkan, Evropë, të braktisen kutitë e votimit pa u hapur.
Edhe pamjet filmike lanë për të dëshiruar, dy tavolina ishin pa numëruesit tanë, tensioni ishte shumë i madh dhe deri në 12 të drekës unë isha 400 vota plus. I besoj Kolegjit Zgjedhor deri në 80%, sepse ndryshe nga KAS kërkoi të gjitha provat.
