Nga Boldnews.al
Për kryeministrin Edi Rama, Safet Gjici ishte një kalë që punonte shumë dhe tërhiqte “karrocën e Rilindjes” në Bashkinë Kukës, por i doli një hamshor i frikshëm që po të shihte femër në zyrë më së paku i bënte seks oral. Gjici u arrestua sepse koka ja bëri, por bashkia ka mbetur bosh, në kërkim të kryetarit të ri që duhet të plotësojë kushtin kryesor: të jetë burrë i ndershëm, nga “mesi e poshtë”. Për ndershmëri në kryerjen e detyrës, kot mundohen se edhe nëse ka, pushteti i tanishëm nuk do të “rrezikojnë” me dikë që nuk di të bëjë marifete me tenderat, apo të jetë makineri elektorale që blen vota herë me ndikim e përdorim administrate e herë me shuka lekësh në duar…
Deri tani janë përfolur katër emra të mundshëm si kandidatë për të rimarrë Bashkinë Kukës. Që të gjithë do të kalojnë në filtrin e hollë të majës së kupolës së pushtetit. Nuk përjashtohet mundësia që përderisa u dogjën me Gjiçin në raste të tilla të kryejnë disa teste.
Kandidatët mund t’i nënshtrohen “poligrafit seksual”, jo si makineri, por me prova të prekshme. Po kush do të dalë vullnetare për të “provokuar” kandidatët? Edhe për këtë pjesë është menduar që si fillim të ngrihet një ambient shumë i ngjashëm me zyrën e kryebashkiakut. Me pas do të futen disa femra të cilat si mision fisnik në të mirë të partisë të do të kenë tentativën për joshje të kandidatëve. Nëse kandidatët e kalojnë provën me sukses, duke i mbajtur allatet në vend, atëherë do të dalë “tym i bardhë” nga magazina e testimeve.
Po sikur edhe në provën e “poligrafit seksual” të PS-së të dalë diçka jashtë kontrollit? Çdo gjë duhet marrë në konsideratë ndaj këtë herë ish-kryeministri socialist Pandeli Majko nuk do të heshtë, edhe pse mund të ketë probleme me gojën, siç ishte argumenti i tij se kur i shemb Tetari Kombëtar ai nuk foli sepse kishte ndërhyrë në dhëmballët.
Majko nuk do të tolerojë askënd që mund t’i lëvizë “qerpiku i joshjes” kur gratë e përzgjedhura të partisë të nisin punën me argumenta të ndryshëm. Si fillim ato duhet të mësojnë përmendësh tekstin e një projekti për sterilizimin e qenve dhe më pas të japin ndonjë shenjë të vogël që kanë pëlqim për kandidatin. Po nëse ai nuk përmbahet dhe sapo të dëgjojë për “sterilizimin e qevne” nuk do jetë në gjentje të kontrollojë testikujt e tij?
Vajzat në mision gjithsesi nuk do të preken, pasi është menduar që e gjithë prova të filmohet nga ana tjetër e dhomës së ngjashme me zyrën e bashkisë dhe do të ndërhyjnë në kohë. Është hera e parë që mazhoranca mund të sjellë këtë risi për të përzgjedhur një kandidat lokal namuzli. Një gjë është e sigurt që testi i “poligrafit seksual” nuk do të aplikohet për kandidatët për deputetë në zgjedhjet e ardhshme, dhe sigurisht as për kabinetin qeveritar.
Si i dërguar i PS-së së qendrës është një personazh i rëndësishëm, si Pandeli Majko, që minimalisht ka dhënë prova të forta se është namuzli dhe këta tipat me para dhe dashnore shumë, nuk është se i qas pranë vetes.
