Të tjera detaje kanë dalë në dritë nga plagosja e 33-vjeçarit Tonin Rama mesditën e djeshme në Vlorë.
Dyshohet se autorët janë 3, ndërsa vetëm dy prej tyre kanë qëlluar disa herë në drejtim të Toninit, duke e plagosur në këmbë.
Autorët e dyshuar janë Ermal Haxhiraj alias Bashkim Brahimaj, Neritan Xhaferaj dhe Ermal Osmenaj, të cilët janë shpallur në kërkim nga Policia.
Ndërkohë policia ka shoqëruar 3 persona që mendohet se janë dëshmitarë të ngjarjes.
Sipas policisë shkak për ngjarjen janë konfliktet e vjetra që mund të ketë pasur i plagosuri me autorët.
33-vjeçari ndodhet në spital dhe është jashtë rrezikut për jetën.
Njoftimi i Policisë:
Vlorë/Zbardhet ngjarja e ndodhur ditën e djeshme, në ambientet e një lokali në qytet, ku për motive të dobëta, u tentua të vritet me armë zjarri shtetasi Tonin Ramaj (Hosaj), i cili mbeti i plagosur.
Vijon puna për kapjen e shtetasve Ermal Haxhiraj alias Bashkim Brahimaj, Neritan Xhaferaj dhe Ermal Osmenaj, të cilët nga veprimet e shpejta hetimore, u identifikuan si bashkëpunëtorë të dyshuar për këtë tentativë për vrasje.
Procedohet penalisht administratori i lokalit shtetasi Katrin Limaj, ku ndodhi ngjarja, pasi u konstatua se në këtë ambient organizoheshin lojëra fati, në kundërshtim me ligjin. Sekuestrohen sende që i shërbenin organizimit të këtyre lojërave.
