Djali i presidentit turk Rexhep Taip Erdogan është nën lupën e autoriteteve anti-korrupsion në SHBA dhe Suedi, pas ankesës së paraqitur nga një kompani amerikane.
Reuters raporton se autoritetet kundër korrupsionit në SHBA dhe Suedi po shqyrtojnë këtë ankesë, të paraqitur nga dega suedeze e një kompanie amerikane, dhe sipas të cilës, djali i Erdoganit, Bilal do të merrte dhjetra miliona dollarë ryshfet nëse e ndihmonte kompaninë të siguronte një pozicion dominues në tregun vendas.
Ky plan është i detajuar nga komunikata dhe dokumenta biznesi të cilat janë parë nga Reuters, si dhe persona që kanë dijeni për ngjarjen.
Megjithatë, në fund nuk është paguar asnjë ryshfet, çka pranohet edhe në ankesën e dorëzuar ndaj autoriteteve.
Në fakt, kompania suedeze “Dignita Systems AB” e braktisi papritmas projektin në fund të vitit të kaluar.
