Ish-ministri Genc Pollo është shprehur se deklaratat e kryeministrit Edi Rama lidhur me rrëmbimin e 3 policëve të Kosovës, treguan miqësinë e tij me presidentin e Serbisë, Aleksandër Vuçiç dhe padobinë e Ballkanit të Hapur.
Komentet Pollo i bëri në studion e emisionit “Open” në News24, po diskutohet për prapaskenat e lirimit të tre policëve të Kosovës.
“Fillimi i dialogut është më e mira për Kosovën. Për policët e rrëmbyer, qe një rast ku u prononcua dhe Rama. Tha gjëra që duhen, por pikërisht kjo deklaratë tregoi padobinë e Ballkanit të Hapur dhe raportet miqësore me Vuçiç. Edhe vetë Rama tha që rrëmbimi i tyre ishte një gjë e rëndë. Kjo tregoi kufizimet e mëdha që kanë këto dy nismat e Ramës”, u shpreh Pollo.
