Këtë të Hënë zhvillohet seanca gjyqësore për verifikimin e masës së sigurisë për Safet Gjicin dhe Alma K., gruas e cila shfaqet në video-skandalin e ish-kryebashkiakut të Kukësit.
Alma K. ka hyrë në ambientet e gjykatës, ndërsa në pamje shquhet teksa ajo mbulon fytyrën me çantë, mban syze dielli dhe kapele.
Safet Gjici dhe Alma K. u ndaluan pasditen e së Shtunës, ekzaktësisht 8 ditë pas publikimit të një videoje intime, ku të dy shfaqen duke kryer marrëdhënie seksuale në zyrën e ish-kryebashkiakut të Kukësit. Më pas, në media u publikuan të tjera pamje që tregonin se si Gjici i premtoi vajzës në fjalë një projekt për firmën e saj nga Bashkia Kukës.
Akuza e ngritur nga SPAK për korrupsion pasiv ndaj Gjicit lidhen me këtë ngjarje. Ndërsa Alma K. është ndaluar në Shkodër për korrupsion aktiv. Ndaj gruas, e cila filmoi dhe skenat, është caktuar masa e arrestit shtëpiak nga Gjykata e Posaçme.
Ditën e filmimit të videos nga vetë ajo, përmes një kamere te vendosur në një gotë pije, ajo e përshkruan:“Kur mu dha mundësia, fola me Kryetarin e Bashkisë shtetasin Safet Gjici një ditë më parë dhe lash takimin për ditën e nesërme në orën 10:00 të mëngjesit. Ditën që shkova kisha marrë me vete në një çantë dhe dosjet me projektin që kërkoja nga Bashkia Kukës në lidhje me qentë. Ndërkohë dhe shtetasi Safet Gjici më shkruaji të shkoja në 9 e 30 dhe u nisa të shkoja në zyrën e tij. U futa në zyrën e Kryetarit ku kisha me vete çantën me dokumente dhe pijen në kuti kartoni. Telefonin dhe çelësat e makinës i lashë tek sekretaria. Pasi hyra në zyrë lashë mbi tavolinë dokumentat në dosje që kisha përgatitur dhe kryetari më tha: “Lëri aty se flasim pastaj”.
“Unë i lashë dokumentat mbi tavolinë dhe çka ka ndodhur më pas është ajo çka qarkulluar në rrjetet sociale, videoja ku dukem unë duke kryer akt seksual me kryetarin e Bashkisë. Këtë herë veprimi i kryer nga ana ime nuk ishte me detyrim, pasi unë jam single dhe po mendoja se mos ndoshta shtetasi Safet Gjici kishte filluar të kishte një pëlqim për mua. Pasi ka përfunduar akti i cili shfaqet në video, kryetari ka thirrur në zyrë nënkryetarin dhe unë kam biseduar me të për projektin e qeneve dhe kemi shkëmbyer adresën e e-mailit ku unë do ja nisja në format elektronik projektin nënkryetarit”, është shprehur mes të tjerash Alma K. në dëshminë e saj.
