Një aksident automobilistik është regjistruar mbrëmjen e sotme në Vlorë.
Blutë e qytetit bregdetar bëjnë me dije se shtetasi H. B., 22 vjeç, duke drejtuar motomjetin tip “Niponia”, ka aksidentuar një shtetase të mitur, rreth 11 vjeçe. Si pasojë e aksidentit kanë ngelur të dëmtuar si e mitura, po ashtu dhe drejtuesi i motorit, të cilët ndodhen në spital, nën kujdesin e mjekëve.
Ngjarja ka ndodhur rreth orës 20:30, në lagjen “Hajro Çakërri”, në vendin e quajtur “Xhamia”. Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.
