Ish-kryebashkiaku i Kukësit, Safet Gjici, i cili u arrestua me urdhër të SPAK pasditen e së shtunës, do të dalë sot para Gjykatës së Posaçme, ku do t’i caktohet masa e sigurisë.
Pas publikimit të videoskandalit me përmbajtje erotike në zyrën e Bashkisë, SPAK nisi fillimisht hetimet në lidhje me akuzën “Shpërdorim detyre, por gjatë hetimeve u ngritën dyshime se Gjici po kryente korrupsion me një tender dhe pas verifikimeve edhe në bashkinë e Kukësit, është paraqitur kërkesa për ndalimin e ish kryebashkiakut, nën akuzën “Korrupsion pasiv”.
Ndërkohë, Gjici me këtë akuzë rrezikon deri në 7 vite burg, por varet se si do të shkojë çështja ndaj tij. Pas arrestimit të Safet Gjicit, është lënë në “Arrest Shtëpie” gruaja e cila shfaqej në videon seksuale në zyrën e bashkisë.
