Një polic ka vdekur si pasojë e një aksidenti që ka ndodhur në fshatin Roganë të Kamenicës në Kosovë, kurse një tjetër ka pësuar lëndime të rënda.
Kështu bëri të ditur për mediat kosovare, Ismet Hashani, zëdhënës i policisë për rajonin e Gjilanit.
“Aksidenti ka ndodhur rreth orës 12:20 në mes të një mjeti motorik katërrotësh të Policisë së Kosovës dhe një veture civile në vendin e quajtur ‘Te tyrbja’’, tha Hashani.
Hashani tha se polici tjetër i cili u lëndua rëndë po trajtohet në qendrën rajonale emergjente.
