Edhe pse ka një kontratë me PSG deri në vitin 2026, Achraf Hakimi mund të largohet nga Parisi këtë verë, për një aventurë të re.
Situata në klubin parisien nuk është aspak e qetë, pas dështimit në sezonin e kaluar dhe pas largimit të Lionel Messit.
Alejandro Camaño, agjent i mbrojtësit të djathtë maroken, ka folur për të ardhmen e klientit të tij. “Çfarë mund të ndodhë? Nuk e di, në një moment do të duhet të ulemi me PSG-në dhe të rishqyrtojmë situatën, por po shohim se çfarë bën klubi. Klima nuk është e qetë dhe kjo më shqetëson” – tha ai.
Së fundmi për Hakimin ka shfaqur interes Manchester City, por hipotezë interesante është edhe rikthimi te Interi apo Real Madrid.
