Tashmë ka ardhur edhe zyrtarizimi. Ergys Peposhi është lojtari më i ri i Tetutës. Klubi durrsak e ka prezantuar lojtarin mëngjesin e ditës së sotme.
Nëpërmjet njoftimit bëhet e ditur se mesfushori ka firmosur për dy vite me “Djemtë e Detit” dhe tashmë 22-vjeçari do të synojë të jetë protagonist në “Niko Dovana”. Peposhi e mbylli sezonin me Kukësit, teksa arriti të bënte paraqitje mjaft pozitive ku në 28 ndeshje mes kampionatit dhe Kupës ka shënuar edhe 1 gol.
WELCOME ERGYS PEPOSHI!
KF Teuta ka kënaqësinë të njoftojë se mesfushori i djathtë, Ergys Peposhi është zyrtarisht pjesë e skuadrës sonë. Klubi ynë ka arritur ditën e sotme një marrëveshje 2 vjeçare me lojtarin 22 vjeçar, i cili vjen te Teuta pas paraqitjeve shumë të mira në ekipin e Kukësit. KF Teuta i uron mirëseardhje mesfushorit Ergys Peposhi dhe i uron shumë suksese me fanellën e klubit tonë. forca Teuta”, ka shkruar klubi durrsak.
