Partizani është njër nga skuadrat shqiptare që do të marrë pjesë në europë, teksa demat do të luajnë në turin e parë të Champions League. Prej ditësh të kuqtë janë vendosur në Pogradec ku po zhvillojnë edhe përgatitjet për sfidat europiane.
Dita e djeshme ishte një ditë relaksi për skuadrën kryeqytetase, teksa Zoran Zekic kishte vendosur që bashkë me stafin dhe lojtarët të gatuanin një drekë.
Mishi i zgarës dhe qoftet nuk munguan. Por duket se mishi nuk ishte i vetëm.
Ditën e sotme siç duket përsëri është një ditë rekalsi për lojtarët.
Nëpërmjet një fotoje të postuar nga Tedi Cara në rrjetet sociale shikohen futbollistët në pishinë duke marrë rreze dielli, pasi Shqipërinë prej ditësh e ka kapluar i nxehti.
Në foto duken Cara, Rrapaj, Murataj, Telushi dhe Sota. Një mënyrë kjo nga Zekic që kërkon të ketë atmosferë sa më pozitive në skuadër.
