Pas orësh të tëra luftime brenda territorit rus, duket se mercenarët e grupit Wagner i janë afruar Moskës.
BBC ka ndarë pamje nga autokolona e trupave të Grupit Wagner, teksa po i afrohet Moskës. Automjetet e armatosura janë filmuar teksa udhëtojnë në autostradën M4, e cila lidh Voronezhin dhe Moskën përmes rajonit të Lipetsk.
Gjithashtu ka raportime se presidenti rus, Vladimir Putin, mund të jetë larguar nga Moska. Guvernatori i rajonit të Lipetsk u ka kërkuar banorëve të qëndrojnë në shtëpi dhe të shmangin udhëtimet, qoftë me automjete publike apo me transport publik.
Autoritetet rajonale në Lipetsk kanë thënë se të gjitha shërbimet e autobusëve në rajon janë anuluar deri në një njoftim tjetër.
Voronezh është një nga dy qytetet, tjetri është Rostov-on-Don, më në jug, në të cilin mercenarët e Ëagner thuhet se kanë kapur vendet kryesore.
Trazirat nisën gjatë ditës së sotme, kur sipas mediave të huaja, trupat e Prigozhin hynë në Rusi dhe Prigozhin pretendoi marrjen në zotërim të dy qyteteve.
BREAKING:
The Wagner Group has now reached the Lipetsk region.
Moscow is only 4 hours away by car.
The Battle of Moscow could start this evening. pic.twitter.com/SBISoA56OK
— Visegrád 24 (@visegrad24) June 24, 2023
Prigozhin tha se ka kapur “të gjitha objektet ushtarake” në qytetin jugor të Rostov-on-Don. Njoftimi erdhi disa orë pasi ai kërcënoi se do të rrëzonte ministrin e Mbrojtjes Sergei Shoigu. Presidenti Vladimir Putin tha se kjo ishte “një thikë pas shpine” dhe u zotua të ndëshkojë ata që e kishin “tradhtuar” Rusinë. Putin pranoi se situata në Rostov mbetet e vështirë, ndërkohë që në Moskë janë futur në fuqi masa të forta sigurie. Në përgjigjen e tij, Prigozhin tha se trupat e tij ishin “patriotë të atdheut” dhe presidenti Putin ishte “thellësisht i gabuar” kur fliste për tradhti. Kujtojmë se Grupi Wagner është një ushtri private mercenarësh që ka luftuar përkrah ushtrisë së rregullt ruse në Ukrainë.
This Russian Air Force Tupolev Tu-214 flying from Moscow to St. Petersburg is currently the most tracked flight on Flightradar24. Although in the past this aircraft has been used several times by #Putin at the moment there is no proof that he is on board#Russia #Wagner pic.twitter.com/mx1YCBNRwU
— Itamilradar (@ItaMilRadar) June 24, 2023
