Marko Alia është portieri i ri i Skënderbeut për këtë sezon futbollistik.
23-vjeçari i dalë nga akademia e Lacios ka firmosur zyrtarisht me klubin korçar një kontratë 3-vjeçare.
Alia së fundmi ishte pjesë e klubit të Monterosit që militonte në Serinë C italiane, teksa këta të fundit, ditën e sotme nëpërmjet një postimi në faqen zyrtare, kanë konfirmuar ndërprerjen e bashkëpunimit me shqiptarin, duke i uruar fat në vazhdim.
“Kemi arritur një marrëveshje për zgjidhjen konsensuale të kontratës për të drejtat e paraqitjeve sportive të portierit Marko Alia. Falënderojmë Marcon dhe i urojmë më të mirat një sportisti që do të dijë të bëjë mirë në destinacionin e tij të ardhshëm. Paç fat”., lexohet në komunikatën zyrtare të klubit italian.
