Një efektive e njësisë speciale FRONTEX, me shtetësi greke ka ndërruar jetë në spitalin e Korçës.
Burime bëjnë me dije se viktima është shtetasja me inicialet O.K., 45 vjeçe, e cila prej kohësh punonte në vëzhgimin e kufijve shqiptarë si pjesë e forcave partnere.
Ndërkohë burime të konfirmuara bëjnë të ditur se kemi të bëjmë me një vdekje natyrore. Mësohet se efektivja 45-vjeçare vuante nga një sëmundje e pashërueshme, për të cilën pas krizave është transportuar në spital, aty ku dhe ndërroi jetë.
Ajo më herët i ishte nënshtruar një ndërhyrje kirurgjikale. Trupi i pajetë ndodhet në morgun e Korçës.
