Nxënësit e klasave të 9-ta po zhvillojnë provimin e Matematikës ditën e sotme, por në rrjete sociale është publikuar teza e këtij provimi.
Ministria e Arsimit ka dështuar sërish në sigurimin e një ambienti të barabartë testimi për minimaturantët e këtij viti, por jo vetëm kaq. Ndryshe nga herët e tjera kur teza e provimit publikohej pak minuta para se nxënësit të nisin provimin, këtë herë teza është publikuar online 1 orë para zhvillimit të provimit.
Fotografimi i tezës me gjasë është bërë përmes telefonave celularë, që janë të ndaluar të mbahen nga nxënësit gjatë testimeve të maturës. Megjithatë, edhe pse në fuqi prej vitesh, kjo masë shkelet duke krijuar pabarazi mes maturantëve. Vitet e fundit, ndodh rëndom që pas çdo testimi, teksa nxënësit janë duke kryer provimin, në rrjetet sociale publikohen fotografi të tezave.
Kujtojmë se e njëjta gjë ndodhi edhe me provimet e Maturës, ku teksa amturantët zhvillonin provimit, tezat qarkullonin kudo në rrjete sociale.
