Gjykata e Vlorës ka caktuar masën e sigurisë “Arrest me burg” për Brikel Alikaj, i arrestuar dy ditë më parë nga policia pas konfliktit në spitalin e Vlorës.
Brikel Alikaj akuzohet se ka kundërshtuar forcat e policisë pas vdekjes së familjarit të tij 35-vjeçar të cilin e kishte zënë korrenti dhe po transportohej me urgjencë për në spital.
Por në momentin që autoambulaca ka mbërritur në urgjencë dera e saj nuk është hapur duke vonuar dhënien e ndihmës së parë për të riun.
Familjarët e të riut, mes të cilëve dhe Brikel Alikaj janë përplasur fizikisht me mjekët dhe policinë.
Prokuroria ka kërkuar “Arrest me burg” për të pandehurin, e cila është pranuar nga gjyqtarja Vjola Canaj. Pala mbrojtëse e përfaqësuar nga Odeta Aliraj ka kërkuar lirim me kusht.
Gjykata bazuar në pamjet filmike e ka cilësuar të ligjshëm arrestimin teksa ka pranuar kërkesën e prokurorisë.
