Një grumbull mbetjesh janë zbuluar në oqean brenda zonës së kërkimit nga një automjet nënujor i drejtuar nga distanca pranë Titanikut.
Lajmi është bërë i ditur nga Roja Bregdetare e SHBA “Ekspertët brenda komandës po vlerësojnë informacionin”, thuhet në një deklaratë në Twitter.
Pamjet e mbetjeve ende të paidentifikuara janë regjistruar nga një automjet i drejtuar nga distanca. Ende mbetet e pakonfirmuar nëse mbetejt i përkasin nëndetëses së zhdukur ‘Titan’
“Roja Bregdetare” i SHBA ka njoftuar se do të mbajë një konferencë për shtyp në orën 15:00 me atë lokalen, ku do të informojë mbi situatën e kërkimit.
Kërkimi për Titanin po rezulton i vështirë, kjo pasi nëndetësja mund të ndodhet në ujë ultra të thellë pasi është në gjendje të arrijë një thellësi prej 4000 m mjaftueshëm për të arritur, në zonën ku ndodhet Titaniku i mbytur, që shtrihet në 3800 m nën sipërfaqe.
Sinjalet e radios dhe GPS-it nuk mund të udhëtojnë nëpër ujë, prandaj për kërkimin po përdoren automjete me operim në distancë.
Zhytësja franceze Victor 6000, e cila po përdoret në këtë fazë, është në gjendje të arrijë në shtratin e detit dhe të transmetojë imazhe në sipërfaqe si dhe të kryejë manovra jashtëzakonisht të imtësishme.
Titan u zhduk të dielën në Oqeanin Atlantik – 435 milje në jug të Newfoundland, Kanada – gjatë një zhytjeje ekspedite për të parë rrënojat e Titanikut.
Pesë burra janë në bord: miliarderi britanik Hamish Harding, biznesmeni britanik Shahzada Dawood, djali i tij Suleman Dawood, shefi ekzekutiv dhe themeluesi i OceanGate me bazë në SHBA, Stockton Rush, dhe piloti francez i zhytësve Paul-Henri Nargeolet.
