Policia e Shkodrës ka arrestuar ditën e sotme një shtetas të shpallur në kërkim prej muajit janar të këtij viti.
Blutë bëjnë me dije se në pranga ka rënë shtetasi, Kristodhules Molla, 44 vjeç, banues në Kamzë, Tiranë.
Pas verifikimeve ka rezultuar se 44 vjeçari ishte shpallur në kërkim nga Policia, pasi ishte kapur duke transportuar emigrant të paligjshëm në 3 janar të këtij viti, në fshatin Hot, Malësi e Madhe.
Menjëherë pas konstatimit nga shërbimet e Policisë, 44-vjeçari ka tentuar të korruptojë efektivët. Gjithashtu, ai është larguar me shpejtësi, me automjet, nga vendi i ngjarjes, duke përbërë rrezik për jetën e efektivëve që po kryenin veprimet procedurale për rastin.
Materialet procedurale i kaluan Prokurorisë Shkodër, për veprime të mëtejshme.
