Vazhdon situata e tensionuar brenda kampit të MEK në Manzë. Komuniteti muxhahedin brenda kampit, të revoltuar, kanë “shpërthyer në protesta, pas arrestimeve dhe përplasjeve me Policinë Shqiptare.
Ata deklarojnë para mediave se policia erdhi pa paralajmërim dhe nuk ka ndjekur procedurat e duhura për kontrollin e ushtruar. Gjithashtu, ata pretendojnë se policia ka shkelur privatësinë në sekuestrimin e serverave dhe kompjuterave.
Pikërisht, në momentin e sekuestrimit të kompjuterave ka nisur dhe përplasja me Policinë dhe pretendohet se është hedhur gaz lotsjellës, kanë mbetur dy të vrarë dhe dhjetra të plagosur.
Protestuesit muxhahedinë mbajnë dhe pankarta në duar me mbishkrimin “Ju vratë vëllain tonë”.
Kujtojme se policia nisi kontrolle pas një urdhri të lëshuar nga Gjykata e Tiranës, në kuadër të luftës kundër terrorizmit dhe parandalimin e sulmeve kibernetike. Burime ende të pakonfirmuuara bëjnë me dije se janë lëshuar gjithsej 70 urdhër-arreste.
