Lulzim Basha ka depozituar zyrtarisht një kërkesë për të rikandiduar për kryetar i PD-së së vulës.
Depozitimi i kërkesës së Bashës ka ardhur pas mbledhjes së Këshillit Kombëtar të partisë që u zhvillua përgjatë ditës së sotme.
Zgjedhjet për kryetarin e ri të Partisë Demokratike do të mbahen në datë 29 Korrik. Caktimi i kësaj date u votua nga grupi Alibeaj, ndërkohë që u kundërshtua nga deputetë të tjerë. Kjo solli një përçarje në partinë e vulës.
Sekretari Gazment Bardhi ka deklaruar se nga grupi Alibeaj po shkelet statuti me avancimin për zgjedhjen e kryetarit. Një qëndrim të ngjashëm u mbajt edhe për mbledhjen e sotme të këshillit. Disa nga deputetët e PD, të cilët e bojkotuan mbledhjen dolën me një deklaratë të përbashkët ku shprehen se mbledhja e sotme e Këshillit Kombëtar ishte anti-statutore dhe pa kuorumin e nevojshëm.
Ndërkohë, në media është përfolur prej kohësh për një për përgatitje të terrenit nga Alibeaj për rikthimin e Bashës si kryetar i PD-së së vulës, që duket se po konkretizohet.
Përveç Bashës, në strukturat e kontrolluara nga grupi Alibeaj ka dorëzuar kandidaturën për kryetar edhe Gjergj Hani.
