30 granata janë gjetur këtë të Hënë në fshatin Ballë të Njësisë Administrative Ballaban, Këlcyrë.
Granatat janë gjetur nga një shtetas i cili ishte duke ndërtuar një rrugë në këtë fshat.
Policia ka rrethuar vendin, ndërsa priten forcat xheniere në vendngjarje për të operuar më tej për evadimin apo plasjen e tyre të kontrolluar.
Sakaq dyshohet se granatat janë të kohës së Luftës së Dytë Botërore.
Njoftimi i policisë:
Paraditen e sotme, në fshatin Ballë, Përmet, shtetasi A. K., 50 vjeç, duke kryer punime ndërtimi, në afërsi të banesës së tij, ka konstatuar rreth 30 granata, të cilat dyshohet se i përkasin periudhës së Luftës së Dytë Botërore.
Shërbimet e Policisë kanë shkuar në vendin e ngjarjes, si dhe janë njoftuar forcat xheniere, për kryerjen e veprimeve procedurale. Grupi hetimor po punon për dokumentimin e plotë ligjor të rrethanave të këtij rasti.
