Sekretari i Përgjithshëm i PD-së së vulës, Gazment Bardhi ka mbledhur grupin parlamentar të PD-së. Burime bëjnë me dije se deri në këto momente kanë shkuar 12 deputetë, të cilët janë kundër mbajtjes së zgjedhjeve për kreun e partisë më 29 Korrik.
Ndërkohë që deputetët që kanë votuar pro 29 korrikut, nuk janë të pranishëm. Po ashtu në mbledhje mungon edhe Jorida Tabaku, e cila ishte kundër “29 Korrikut” dhe dha dorëheqjen nga posti i nënkryetares së partisë.
Mësohet se ata po diskutojnë lidhur me qëndrimin që do të mbahen nesër në mbledhjen e Këshillit Kombëtar. Në fund të mbledhjes, Bardhi pritet të japë një deklaratë për mediat.
Deputetët e pranishëm
Gazment Bardhi
Xhelal Mziu
Dashnor Sula
Bledion Nallbati
Andia Ulliri
Qani Xhafa
Dhurata Cupi
Ramadan Lika
Saimir Korreshi
Helidon Bushati
Zheni Gjergji
Lefter Gështenja
