Bayern Munich është në negociata të avancuara për të nënshkruar me mbrojtësin e Manchester City, Kyle Walker, sipas Sky në Gjermani. 33-vjeçarit i ka mbetur edhe një vit nga kontrata e tij në Etihad.
Sky në Gjermani po raporton se trajneri i Bayern dhe ish-trajneri i Chelseat, Thomas Tuchel, ka qenë shtytësi kryesor në bindjen e Walker për t’u transferuar në kampionët e Bundesligës.
Trajneri i Cityt, Pep Guardiola, e la Walkerin në stol për finalen e Ligës së Kampionëve, duke favorizuar Manuel Akanji ndaj tij në mbrojtje. Guardiola tha në prill se Walker nuk ishte në gjendje të luante në sistemin e Cityt, gjë që e pa John Stones të kalonte në mesfushë nga mbrojtja në një kohë kur anglezi kishte humbur vendin e tij në ekip.
“Ai nuk mund ta bëjë këtë”, tha Guardiola për Walker. “Ai do të ketë gjithmonë ritëm; Kyle në moshën 60-vjeçare do të jetë lojtari më i shpejtë në këtë dhomë. Për të luajtur brenda duhet të keni lëvizje të edukuara – ai nuk ka të gjitha karakteristikat.”
Walker, i cili iu bashkua Cityt nga Tottenham në vitin 2017 për 50 milionë sterlina, ka fituar pesë tituj të Premierligës, dy Kupa FA, katër Kupa të Ligës dhe Ligën e Kampionëve në gjashtë vitet e tij në Mançester.
