Sezoni veror si dhe rritja e temperaturave ka rikthyer fluksin në pikën kufitare të Morinës. Qytetarë kosovarë kanë zgjedhur që këtë fundjavë ta kalojnë në bregdetin shqiptar të Shëngjinit, Velipojës apo Durrësit.
Rrjedhimisht në pikën kufitare të Morinës, është shtuar fluksi i hyrjeve dhe daljeve.
Burimet e policisë kufitare bëjnë të ditur se gjatë kësaj fundjavë më shume se 16 mijë qytetarë dhe 9200 automjete kaluan kufirin nga Kosova drejt Shqipërisë.
Ndërkohë në pikën kufitare të Morinës prej 1 qershorit të këtij viti po zbatohet procedura e kalimit pa kontrolle në kufi, e cila vjen si pasojë e një marrëveshje ndërqeveritare, e nënshkruar vitin e shkuar.
