SPAK nisi që ditën e djeshme hetimet për kryebashkiakun e Kukësit, tashmë të shkarkuar, Safet Gjici, pas publikimit të pamjeve ku shfaqej duke kryer marrëdhënie seksuale me një vajzë në zyrën e bashkisë.
Burime për mediat bëjnë me dije prokurorja e SPAK e cila është ngarkuar me hetimin e Safet Gjicit, është Manjola Kajana. Hetimet për ish-kryebashkiakun e Kukësit mësohet se po bëhen nën akuzën për “shpërdorim detyre”.
SPAK po heton nëse vajza, e cila kryente marrëdhënie me kryebashkiakun e Kukësit, mund të ketë patur ndonjë interes në lidhje me ndonjë projekt të mundshëm që duhej të merrte firmën e Safet Gjicit, e më pas në këmbim kryerjen e aktit intim në zyrën e tij.
Prokurorja Manjola Kajana ka urdhëruar sekuestrimin e regjistrave të hyrje-daljeve në zyrën e kryebashkiakut për të parë nëse vajza e ka frekuentuar edhe herë të tjera zyrën e Gjicit.
SPAK ka arritur që ta identifikojë vajzën përmes një tatuazhi që ka në dorë dhe që i dallohet në video dhe në fotot e marra nga profili saj në rrejtet sociale. Vajza nuk është marrë në pyetje pasi nuk është gjetur ende nga hetuesit. Po ashtu në pyetje nuk është marrë as Safet Gjici. Deklarime në lidhje me këtë çështje do të japin edhe punonjësit e Bashkisë së Kukësit.
