Është mbyllur në barazim pa gola pjesa e parë mes Shqipërisë dhe Moldavisë, takim i vlefshmëm për Grupin E të kualifikueseve të Kampionatit Evropian “Euro 2024”.
Kombëtarja jonë dominoi lojën por pa arritur të gjejë rrrugën e rrjetës.
Takimi nisi në sulm për skuadrën e Silvinhos, me Ismajlin që ngacmon portën e kundërshtarëve në minutën e 6-të.
Goditje këndi e harkuar nga Bajrami, Ismajli gjen kohën për të gjuajtur me kokë por portieri i moldavëve pret në pozicion.
Vetëm 3 minuta më pas provon Uzuni. Sulmuesi hyn në zonë në krahun e djathtë, por gjuajtja e tij ndalet nga mbrojtësit kundërshtarë.
Ndërkohë rasti më i mirë për kuqezinjtë i përket minutës së 21-të. Cikallesh lëshon një predhë nga distanca, por topi ndalet nga traversa e portës duke dëshpëruar sulmuesin dhe tifozat kuqezi.
