Skënderbeu e ka nisur merkaton me qetësi.
Korçarët nuk duan të jenë euforik në këtë dritare transferimesh pasi kërkojnë të marrin vendimet e duhura për t’u përfaqësuar denjësisht në Superiore.
Për këtë, drejtuesit korçarë s’kanë nevojë për këshilla pasi eksperienca flet për ta.
Goditje të studiuara në repartet ku kanë më shumë nevojë, jo thjeshtë emra big në moshë apo larg formës më të mirë. Kjo është strategjia e cila ka nxjerrë emrin e rradhës në merkato. Marcos Ramos është afrimi i rradhës që kanë zgjedhur drejtuesit, raporton shtypi i shkruar.
Braziliani 23-vjeçar luan në qendër të mbrojtjes dhe në të kaluarën ka luajtur edhe për Egnatian të cilën e ndihmoi të ngjitej në Superiore në sezonin 2019-2020 kur ishte vetëm 19-vjeç.
Këtë sezon Ramos luajti me Burrelin nën drejtimin e Dorjan Bubeqit ku ishte ndër më të mirët duke spikatur me performancat e tij në 22 ndeshje ku shënoi edhe 2 gola.
