Jasir Asani çoi peshë zemrat e tifozëve kuqezinj, ku në minutën e 51-të shënoi golin e avantazhit ndaj Moldavisë.
Ky realizim ishte i pari me fanellën e Kombëtares, për shqiptarin nga Tetova, në ndeshjen e tij të dytë me Shqipërinë.
Në prononcimin e dhënë pas fitores 2-0 ndaj Moldavisë, Asani u shpreh:
“Është hera e dytë që po vij me Kombëtaren, gjithë çunat kanë dhënë maksimumin, jam i lumtur për golin. Duhet të punojmë që të arrijmë objektivin. Duhet të fokusohemi për ndeshjen e radhës. Ky është goli më i rëndësishëm në karrierën time, do e mbaj mend gjithmonë, është një gol i veçante për mua.
Duhet të bëj akoma më shumë. Të ndihmoj ekipin me gola dhe asiste. Duhet të punoj shumë për të arritur objektivat. Kemi ndeshjen e radhës dhe kemi gjithçka në dorë për kualifikimin”, u shpreh Asani për “TV Klan”.
