Shqipëria ka triumfuar me rezultatin 2-0 në “Air Albania” përballë Moldavisë, takimi i dytë ky për kuqezinjtë në Grupin E të kualifikueseve të Kampionatit Evropian “EURO 2024”.
Ekipi i Silvinjos provoi të zgjidhte ndeshjen që në minutat e para falë lojtarëve individual. I pari që provoi ishte Bajrami, ndërsa pak më vonë nuk kishin shënjestrën e duhur as Uzuni me Ramadanin.
Sokol Cikalleshi iu afrua golit të avantazhit në minutën e 21-të, kur me një goditje nga distanca gjeti traversën. Mysafirët nga Moldavia tentuan të ngacmonin portën e mbrojtur nga Berisha në minutën e 34-të, por prapavija e përfaqësues tonë ishte e vëmendshme, duke larguar topin nga zona e rrezikut.
Shqipëria nisi pjesën e dytë në mënyrën më të mirë të mundshme.
Jasir Asani zhbllokoi takimin në minutën e 51-të, falë një perle. Një kryevepër e Asanit, që ngriti në këmbë gjithë stadiumin.
Anësori shkarkoi të majtën në hyrje të zonës duke mos i lënë asnjë shans portierit kundërshtar.
Në minutën e 76-të, goli i qetësisë mban firmën e Nedim Bajramit, i cili realizoi golin e parë me Kombëtaren. Aksion i shpejtë i kuqezinjve me një depërtim nga e djathta dhe Bajrami nuk gabon duke shënuar golin e 2-0.
Moldavia nuk e rrëzikoi asnjëherë portën e Berishës dhe kjo statistikë mjafton për të kuptuar ndeshjen e luajtur në Tiranë ku Mitaj rezultoi shumë i rëndësishëm në krahun e majtë ndërsa Bajrami lider në mesfushë dhe Asani sërish poztiv në fushë.
3 pikët e para në një grup ku lufta do të jetë deri në fund shumë e ashpër pasi Çekia triumfoi në Ishujt Faroe ku pas 3 ditësh Shqipëria do të kërkojë një fitore tjetër. Me Moldavinë të hipotekuar, kuqezinjtë mund të fokusohen tashmë te transferta delikate e datës 20.
Klasifikimi i Grupit E:
