Trajneri i kombëtares shqiptare, Silvinjo, ka bërë përzgjedhjen e tij sa u përket 23 emrave që do të jenë të gatshëm për ndeshjen e sotme të kuqezinjve ndaj Moldavisë, të vlefshme për kualifikueset e Euro 2024.
Braziliani ka grumbulluar një numër më të madh futbollistësh se herën e kaluar, ku kishte vetëm 23 futbollistë të gatshëm për sfidën, aq sa lejohen në protokoll. Ndaj këtë radhë, 3 nga 26 lojtarët e grumbulluar prej tij, do të qëndrojnë në tribunë për duelin në ”Air Albania”.
Mësohet se tre lojtarët e lënë në tribunë për këtë ndeshje janë portieri Simon Simoni si dhe mbrojtësit Adrian Bajrami dhe Andi Hadroj.
Një zgjedhje paksa e çuditshme për këtë të fundit, pasi ishte i vetmi përfaqësues i Superiores në listën e futbollistëve të përzgjedhur nga tekniku Silvinjo për ndeshjet e qershorit.
