Tirana ka humbur një prej elementëve kryesor të ekipit të sezonit që lamë pas. Bëhet fjalë për mesfushorin Albano Aleksi, i cili ka formosur zyrtarisht ditën e sotme kontratën me ekipin e Egnatias.
Lajmin e ka bërë me dije vetë ekipi rrogazhinas përmes një postimi në rrjetet sociale. Ai ka dalë menjëherë në stërvitje që ditën e sotme dhe do të jetë një përforcim shumë i rëndësishëm për skuadrën e Egnatias edhe në kuadër të Conference League.
30-vjeçari i jep fund aventurës 1-vjeçare te klubi i Tiranës ku ishte një nga lojtarët më të rëndësishëm gjatë sezonit të fundit me skuadrën e Orges Shehit ndërsa e ka nisur karrierën me Butrintin për të vazhduar me Luftëtarin dhe Teutën ku fitoi edhe titullin kampion.
