“Sot në fakt këshilli i Ministrave mori një vendim për shkarkimin e menjëhershëm të kryetarit të bashkisë së Kukësit”.
Kështu deklaroi shkurtimisht pas pyetjes së gazetarëve, ministrja e Financava dhe Ekonomisë, Delina Ibrahimaj, pas mbledhjes së Këshillit të Ministrave, në lidhje me shkarkimin e kryebashkiakut të Kukësit, Safet Gjici, pas në rrjet qarkulloi një video me “pullë të kuqe”, ku ai shfaqej duke kryer marrëdhënie seksuale me një vajzë në zyrën e tij.
Por, a u shkarkua vërtet Safet Gjici?
Nëse i hedhim një sy websajtit të Kryeministrisë, në vendimet e publikuara të miratuara në mbledhjen e ditës së sotme, datë 16 Qershor, nuk ekziston asnjë VKM në lidhje me shkarkimin e Safet Gjicit.
Këtë mund ta verifikoni duke klikuar KËTU: Vendime të miratuara në mbledhjen e Këshillit të Ministrave, datë 16 Qershor 2023
Ndoshta, Qeveria e ka “kursyer” një VKM për shkarkimin e kryebashkiakut Safet Gjici, duke qenë se ky i fundit, në reagimin pas publikimit të videos deklaroi se do të japë dorëheqjen dhe iu kërkoi falje kuksianëve. Gjici u shpreh se me vajzën kishte lidhje intime prej kohësh, por videon e konsideroi si një kurth nga kundërshtarët politikë.
