Nuk kanë te ndalur firot te Vllaznia! Darko Bulatoviç është futbollisti i radhës i larguar nga Vllaznia. Nëpërmjet një postimi në faqen zyrtare, klubi shkodran ka bërë me dije se ka mbyllur bashkëpunimin me mbrojtësin.
33-vjeçari me fanellën kuqeblu arriti të fitonte Kupën e Shqipërisë në sezonin 2021/22. Në të dyja sezone Bulatoviç numëron në total 44 paraqitje me skuadrën shkodrane.
NJOFTIMI I KLUBIT:
KF Vllaznia dëshiron të njoftojë se ka mbyllur bashkëpunimin me futbollistin Darko Bulatoviç. Klubi e falenderon për gjithçka ka dhënë për skuadrën tonë gjatë këtyre dy viteve, shoqëruar edhe me fitimin e një trofeu të Kupës së Shqipërisë dhe njëkohësisht i uron suksese në karrierën e tij të mëtejshme!
