Atletico Madrid i është bashkuar Tottenhamit në garën për të firmosur me qendërmbrojtësin e Romës, Roger Ibanez. Los Colchoneros kanë filluar kontaktet me ekipit italian dhe mund të jenë gati të bëjnë një lëvizje për brazilianin 24-vjeçar.
Kjo nuk është hera e parë që spanjollët shfaqin interesim për lojtarin, pasi u synua transferimi edhe në janar, por propozimi u refuzua për shkak të çmimit të lartë të kërkuar nga Roma, rreth 35 milionë euro.
Roger Ibanez ka luajtur 4 sezone te Roma. Në çdo edicion, ai ka luajtur më shumë se 30 ndeshje. Në CV e tij ka skuadra të njohura si Fluminense në Serie A braziliane dhe Atalanta.
Tani, për të financuar një verë shpenzimesh, Calciomercato shkruan se Roma do të duhet të sakrifikojë një lojtar nëse dëshiron të jetë konkurruese në afatin kalimtar të ardhshëm.
#Roma, #Ibanez pronto a dire addio: viaggio a Londra di Pinto https://t.co/UqCAJ4pzlS pic.twitter.com/6kgYW6Z6Jj
— calciomercato.com (@cmdotcom) June 14, 2023
