Drita Lolla, gruaja e parë shqiptare që bëhet deputete në parlamentin e Malit të Zi, ka reaguar pasi fitoi postin.
E ftuar në ”Kafe Shqeto” në Syri Tv, Llola tregoi rëndësinë e këtij momenti të cilin e quajti ‘historik’.
Llolla ndër të tjera shprehet se kjo është është herë e parë që ka një numër të konsiderueshëm shqiptarësh.
Llolla: Është interesante që katër nga deputetët vijnë nga partitë nacionale dhe dy nga partitë që veprojnë në rrafshin kombëtar. Siç e dini ju, edhe më herët shqiptarët janë pozicionuar kryesisht pranë partive nacionale për të mbrojtur dhe avancuar të drejtat e tyre. Këtë e kam thënë dhe më herët, mendoj se konteksti socio-politik ka avancuar në Mal të Zi dhe veçanërisht pas pavarësisë nga viti 2006 e këtej. Kështu që shqiptarët mund të vendosen dhe pranë platformave që quhen qytetarë këtu por që në shqip veprojnë në rrafshin kombëtar dhe unë jam një nga shembujt e aktivizmit dhe pozicionimit brenda këtyre platformave dhe avancimit në politikë. Kështu që është një moment interesant sepse siç thash katër shqiptarë janë nga partitë nacionale dhe dy në rrafshin kombëtar por edhe nga numri sepse dhe numri është mjaft i rëndësishëm.
