Sylvinho ka zgjedhur që skuadra kombëtare e Shqipërisë të stërvitet sot në “Air Albania”, për t’u përshtatur me fushën në lidhje me ndeshjen ndaj Moldavisë (17 qershor).
Nga lojtarët e grumbulluar dy lojtarë nuk kanë zbritur në fushë. Berat Gjimshiti, i cili është shtuar me vajzë duke u bërë baba për herë të dytë.
Mbrojtësi ka fluturuar drejt Italisë pasi i ka marrë leje trajnerit Sylvinho. Dhe nesër (e enjte) do t’i bashkohet skuadrës në stërvitje.
Mungesa e dytë është ajo e Frederic Veselit, i cili ka marrë një goditje në shpatull në stërvitjen e së martës. Stafi ka vendosur të mos rrezikojë, duke e lënë sot pushim.
Deri në mbrëmje pritet që numri i biletave të shitura për takimin ndaj Moldavisë të shkojë në 13 mijë. Kuqezinjtë luajnë dy sfidat e radhës së fazës eliminatore të Euro 2024.
Ndaj Moldavisë në “Air Albania (17 qershor, 20:45) dhe tri ditë më vonë në transfertë përballë Ishujve Faroe.
