E mbylli kampionatin slloven me 19 gola të shënuar duke u pozicionuar në vendin e dytë të tabelës së golashënueseve. 25-vjeçari i lindur në Gjilan që aktivizohet në radhët e Muras, nuk është grumbulluar nga Përfaqësuesja e Kosovës po ai beson që e ardhmja mund të jetë me fanellën kuqezi.
“Nëse më jepet mundësia, do ta përfaqësoj me gjithë zemër Kombëtaren shqiptare. Në grumbullimin e fundit kur jam larguar për shkaqe shëndetësore, kam ardhur me të gjitha medikamentet, ka ndodhur që katër ditë nuk kam arritur të ushqehem mirë.
Vetëm e vetëm që ta mos refuzoj ftesën e kombëtares së Kosovës. Tani kur jam në formë të mirë, me këto statistika të mira, minutazhin e duhur dhe nuk po vjen ftesa atëherë, po, është diçka shumë jokorrekte ndaj meje”, theksoi 24-vjeçari në një intervistë për RTV Dukagjini.
