Detaje të reja kanë dalë në lidhje me 18 urdhërarrestet e lëshuara nga SPAK për disa policë, të cilët dyshohet se janë pjesëtarë të një grupi kriminal.
Përveç ish-shoferit të Ardi Veliut, Sokol Idrizi, policia ka ndaluar gruan dhe vajzën tij, një ish-studente në Francë.
Pjesë e personave të rënë në “rrjetën” e SPAK dyshohet se janë edhe 7 oficerë policie, dy prej të cilëve punonin në Portin të Durrësit.
Operacioni ka nisur që prej orëve të para të mëngjesit të sotëm dhe dyshohet se urdhër arrestet janë lëshuar për veprën e pastrimit të parave, ku janë sekuestruar para, bizhuteri dhe sende të tjera me vlerë.
Sipas informacioneve të para, dyshohet se ata kryenin trafik të sendeve me vlerë, si diamante, bizhuteri floriri dhe madje dhe para cash përmes portit të Durrësit.
Operacioni i SPAK është në vijim, teksa vijon ekzekutimi i masave.
