Një shqiptar ka humbur jetën në Breshia të Italisë teksa ka qenë duke punuar.
Sipas mediave italiane, ngjarja ka ndodhur dje pak pas orës 16:30, kur punëtori 23-vjeçar (gjeneralitet e të cilit nuk bëhen me dije) ka humbur jetën pasi ka rënë nga shtylla e tensionit të lartë.
Shqiptari ishte punonjës i një kompanie të jashtme nga ajo që zotëron fabrikën, pranë së cilës ndodhi tragjedia.
Punëtori shqiptar është rrëzuar ndërsa ndodhej në një strukturë rreth 50 metra të lartë.
Punonjësit e kompanisë aty pranë kërkuan ndihmë, por më kot pasi shqiptari kishte ndërruar jetë. Një hetim ka nisur nga autoritetet lidhur me ngjarjen.
