Një person është arrestuar dhe një tjetër është shpallur në kërkim në Pogradec pasi akuzohen për vepra të ndryshme penale.
Mësohet se është shpallur në kërkim shtetasi me inicialet R. B., 19-vjeç, pasi dyshohet se ka goditur me sende të forta në trup, një 31-vjeçar.
Ndërkohë ka nisur procedimi në gjendje të lirë për shtetasin me inicialet F. H., 35-vjeç, pasi dyshohet se ka kanosur nëpërmjet rrjeteve sociale një 34-vjeçar.
Njoftimi i policisë:
Specialistët e Komisariatit të Policisë Pogradec referuan materialet në Prokurori dhe shpallën në kërkim R. B., 19 vjeç, banues në fshatin Çezmë e Vogël, Pogradec, pasi gjatë një konflikti për motive të dobëta, dyshohet se ka goditur me sende të forta në trup, një 31-vjeçar, i cili ndodhet në kujdesin e mjekëve. Vijon puna për kapjen e 19-vjeçarit. Po këta specialistë referuan materialet në Prokurori ku filloi procedimi në gjendje të lirë për F. H., 35 vjeç, banues në Pogradec, pasi dyshohet se ka kanosur nëpërmjet rrjeteve sociale, një 34-vjeçar. Sipas policisë, materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
