Një shtetas shqiptarë është vrarë me thikë këtë të Hënë, në Athinë, Greqi.
Ngjarja ka ndodhur rreth orës, 05:30 të mëngjesit, ndërsa viktimë ka mbetur shtetasi Koço Myftari, 23-vjeç, lindur në Delvinë dhe banues në Sarandë.
Mediat e huaja raportojnë se Myftari u dërgua në gjendje të rëndë në spitalin e Athinës Evangjelizmos dhe i është nënshtruar një ndërhyrje kirurgjikale. Por fatkeqësisht nuk ka arritur t’u mbijetojë plagëve të marra.
Mësohet se kanë qenë shokët e tij që e kanë shoqëruar për në spital por më pas janë larguar. Policia ka arritur ti identifikojë dhe të marrë në pyetje miqtë e tij. Por ende nuk jepen detaje të reja nga autoritetet greke lidhur me dëshmitë e tyre.
Ndërkohë raportohet se një djalë tjetër i familjes Myftari, Ridjan Myftari, është ekzekutuar në vitin 2019 në Gjermani.
Policia po heton shkaqet dhe rrethanat e ngjarjes, dhe nëse ekzekutimet e vëllezërve Myftari kanë lidhje me njëra tjetrën.
