Socialistët po festojnë në Pallatin e Kongreseve ditëlindjen e 32-të të Partisë Socialiste.
Në fjalën e tij, kryeministri Edi Rama tha se kjo forcë politike ka nevojë për një projekt të ri. Kreu i qeverisë i frikësohet një “shuplake” të mundshme ndëshkuese që pritet t’ia japë populli gjatë ditëve në vijim dhe për këtë e kishte një paralajmërim për kryebashkiakët e zgjedhur më 14 Maj.
“Dua të përgëzoj krybashkiakët tanë! Dua tu them se më shumë se merita e tyre rezultati i bujshëm i 14 majit është manifestimi i një pritshmëri të madh njerëzish për një ndryshim të mëtejshëm. Shumë largqoftë të mos gënjehemi me madhështinë e hartës politike duke kujtuar se ata që na votuan janë të kënaqur me ne. Pa e futur thellë gozhdë në kokë sot që na e kanë dhënë tërë këtë besim të vërtetën se shqiptarët nuk kanë sesi të jenë të kënaqur me ne, ne s’do u shpëtojmë shuplakës së tyre nesër kur të na kërkojnë që të na votojnë përsëri. Duhet të projektojeni me të ardhmen duke e nisur reflektimin dhe punë nga vetja siç kemi bërë pas çdo zgjedhje, kur të tjerët kanë humbur dhe kanë bërtitur fitore. Sot ne kemi nevojë për një fillim të ri, për një projekt të ri politik dhe organizativ. Na duhet të shkojmë përtej PS-së ku të krijojmë një hapësirë të re politike dhe sociale. Duhet të hapim rrugë të reja për të bashkua në një komunitet të ri politik anëtarët, simpatizantët dhe qytetarët e interesuar të ecim para. Prioriteti i prioritetit të qeverisjes vendore do të jetë njerzillëku.”- tha Rama.
- Në ditelindjen e PS mungoi Fatos Nano
32-vjetori i PS-së ka mbledhur në Pallatin e Kongreseve figura të njohura të PS-së, duke nisur nga ministrat, te deputetët dhe kryebashkiakët fitues në zgjedhjet e 14 majit.
Kryeministri Edi Rama ka mbërritur pothuajse i fundit në sallë, teksa është ulur mes ish-kreut të Kuvendit Gramoz Ruçi dhe sekretarit të Përgjithshëm të PS-së Damian Gjiknuri.
Ajo që bie në sy është mungesa e ish-liderit të PS-së Fatos Nano, i cili herë pas here ka pasur luhatje ne marredheniet me pasuesin e tij dhe kryeministrin aktual, Edi Ramen. Kujtojmë se në 30-vjetorin e PS-së, Nano iu drejtua me një mesazh të gjithë socialistëve.
