Mbetje të shumta si plastikë e shkurre kanë sjellë në një situatë të pazakontë lumin Drin në qytetin e Lezhës.
Grumbullimi i tyre ka ardhur si pasojë e prurjeve të mëdha nga përrenjtë malorë që shkarkohen në lumin Drin, pas reshjeve të dendura të shiut.
Vitet e fundit, lumi Drin është kthyer në një kanal ujëmbledhës të ujerave të zeza si dhe në ‘landfill’ të mbetjeve të shumta.
Siç duket dhe në pamjet e mbërritura në redaksinë e FaxNews, lumi Drin e ka sipërfaqen të mbuluar me mbetje të shumta, të cilat e kthejnë këtë lumë, në një rrjedhë mbeturinash.
Kjo është një situatë e përsëritur, e cila nuk është përqendruar vetëm në lumin Drin, por këtë problem e kanë ‘mik’ edhe lumenj të tjerë.
