Ish-kryeministrja e Skocisë, Nicola Sturgeon është arrestuar këtë të dielë si pjesë e hetimit të policisë për financat e Partisë Kombëtare Skoceze (SNP).
Policia bëri me dije se një grua është arrestuar këtë të dielë si e dyshuar në lidhje me hetimin në vazhdim për financimin e SNP. E arrestuara rezultoi të jetë pikërisht ish-kreu i qeverisë skoceze.
“Një grua 52-vjeçare sot, të dielën, 11 qershor 2023, është arrestuar si e dyshuar në lidhje me hetimin në vazhdim për financimin dhe financat e Partisë Kombëtare Skoceze. Gruaja është në paraburgim dhe po merret në pyetje nga detektivët e Policisë së Skocisë”, thuhej në deklaratën e Policisë së Skocisë.
Ndërkohë burri i saj dhe njëkohësisht ish-shefi ekzekutiv i Partisë së Skocisë, Peter Murrell u arrestua dhe u lirua në fillim të këtij muaji.
52-vjeçarja Nicola Sturgeon, njoftoi papritmas dorëheqjen e saj si ministre e parë në shkurt pas 9 viteve në shërbim.
