Provoi deri në fund por nuk ia doli mbanë. Henrikh Mkhitaryan nuk do të luajë titullar në finalen e UEFA Champions League kundër Manchester City.
Mesfushori i Interit vuan nga një dëmtim muskular që prej derbit me Milanin dhe në testin final stërvitor të Stambollit, ai nuk është parashikuar të zbresë në fushë që nga minuta e parë.
Mungesa e armenit detyron Inzaghin të zgjedhjë Dumfries, Barella, Brozovic, Calhanoglu e Dimarco në mesfushë. Më shumë muskuj me aktivizimin e kroatit që në ndeshjen e fundit me Torinon shënoi edhe golin e fitores.
Përsa i përket pjesës tjetër të formacionit, nuk do të ketë surpriza me Onana në portë, Bastoni, Acerdi dhe Darmian në mbrojtje dhe Lautaro e Dzeko në sulm ku shtatlarti boshnjak duket se ka fituar balotazhin me Lukakun.
