Futbollisti maqedonas, Kristijan Toshevski, do të ketë një klub të ri në sezonin e ri për shkak se u nda me Tiranën në kampionatin shqiptar.
Mbrojtësi mbajti veshur fanellën bardheblu për plot 3 vite, teksa pas përfundimit të kësaj aventure, Toshevski pritet të rikthehet në elitën e futbollit maqedonas.
Bëhet me dije se 29-vjeçari është në bisedime me Shkupin.
Toshevski me Tiranën zhvilloi gjithsej 100 ndeshje, ndërsa në futbollin maqedonas, numëron plotë 116 paraqitje, 14 asistime dhe 2 gola të shënuar.
