Ish-kryetari i Partisë Demokratike, Lulzim Basha, ka folur këtë të Enjte për tensionet që shkaktuan mbështetësit e tij në mbledhjen e PD-së së vulës mbrëmjen e së Martës.
Në një dalje për mediat, i pyetur nga gazetarët mbi përplasjet e shkaktuara, Basha u shpreh i habitur dhe tha se nuk ka parë asnjë shenjë dhune.
Edhe pse në rrjet qarkulluan videot e dhunës verbale nga mbështetësit e tij, Basha tha se dhuna dhe ofendimet nuk janë modeli i tij.
“Cila dhunë? Nuk i kam parë videot. E para e punës, e refuzoj dhe distancohem, dënoj me forcë çdo sjellje, me këtë rast, fjalët, banalitet që janë shkëmbyer në një moment tensioni, pjesë e të cilës fatkeqësisht kanë qenë edhe kolegë të medias. Duhet të jemi të kujdesshëm që dhe në momente tensioni të kujdesemi… ky nuk është modeli im”, tha Basha.
